Top Ten Killer SEO Tips For Blogger Blog!

Aajkal kaafi log Blogging field me apna career bnane ki soch rahe hai. Blogging me apna ek shandar future bnane ke liye Bloggers apne blog par kaafi mehnat karte hai taaki unka Blog Aur Blog Content Search Results me top par aaye. Kuch log sochte hai ki Blogging kaafi easy hai, lekin sirf WordPress install karne ya Blogger par blog banane se koi Ek Successful Blogger nahi ban jata hai. Aapko apne blog par mehnat bhi karni hogi aur apne blog par quality content publish karna hoga.

Kaafi baar aisa hota hai ki aap apne blog par Original aur Unique Contents publish karne me kaafi mehnat karte hai lekin fir bhi aapke blog ko Search Engines se traffic nahi mil raha?

Agar aapke sath bhi aisa hi ho raha hai to iska main reason hai Blog SEO ko ignore karna. Apne Blog Content ko unique bnane ke sath sath aapko apne blog ke SEO par bhi dhyan dena chahiye. Search Engine Optimization yaani SEO koi mushkil task nahi hai,  jise sikhne ya use apne blog par apply karne me aapko bahut jyada mehnat karni padegi.


Aapko apne blog ko SEO Friendly bnane ke liye apni daily blogging me kuch chhoti-chhoti chizo par dhyan dena hoga, taaki aap apne blog par jitni mehnat kar rahe hai utna aapko traffic bhi mile. Mostly newbie bloggers ka dhyan sirf aur sirf Google Adsense ko aproove krane me rhta hai lekin vo blog ke liye sbse important chiz SEO ko bhul jaate hai aur aise me unhe apne blog par traffic bnane  me bahut jyada waqt lagta hai.

Aaj mai aapko is post me apne blogger blog ko  SEO friendly bnane ke baare me 10 tips btane ja rha hu, jinhe agar aap apne daily blogging routine me follow karenge to I'm sure ki aapka blog bahut jald search engines me top par rank karega.

1. Choose Blog Title Wisely

Search Engines par search kiye jaane waali jyadatar chize question ke format me hoti hai. Apne blog ka traffic badhane ke liye yeh sbse kargar jariya ho skta hai. Jha tak ho sake, apni blog post ka title sbse jyada search ki jaane keywords ke hisab se rakhe. Blog title na to jyada chhota ho aur na hi bahut jyada bada. Aur hmesha apne post title ko question format me rakhne ki koshish kare taaki aapke blog par search engines se jyada se jyada log pahuch sake.

2. Use Keywords In Your Blog Post

keywords blog seo ke liye kaafi important hai aur jitne bhi successful  bloggers hai wo apni post keywords ko target kar ke hi publish karte hai. Search Engines apne results me keywords ko sbse jyada importance dete hai, aise me aap jis kisi bhi topic se related post kare usse relatedkeywords apni post me jarur use kare. Lekin yha aap ek baat ka dhyan rakhe ki aap post me in keywords bahut jyada baar bhi repeat na kare.

3. Permalink

Permalink bhi seo ke lihaz se kaafi important hai. Kaafi newbie bloggers is par dhyan nahi dete. Agar aap is feature ko sahi se use karte hai to aapko isse bhi traffic drive karne me kaafi madad milti hai.
Blog Post Permalink Set karte waqt dhyan rakhe ki isme kam se kam ek keyword jarur ho aur iski length 50 characters se  jyada na ho.

4. Post Label or Tag

Ek room me har chiz ko rakhne ya set karne ki alag alag jagah hoti hai lekin agar hm sabhi chizo ko ek hi jagah rakh de to? Tay hai ki hme bahut si baar apne zarurat ki chiz nahi milegi ya fir use dhundhne me hme saare saman ko check karna padega.
Yahi same rule blogging par bhi laagu hota hai. Agar aap apne blog par post ko categories karne ke liye Labels use nahi karte hai to aapke blop readers ko kisi khas topic se related post dhundhne me bahut problem hogi aur ho skta hai ki isse vo aapke blog par fir dubara kabhi na aaye.

To apne blog seo aur apne readers ko apne blog se connected rakhne ke liye label jarur use kare.

5. Promote Your Blog On Social Media

Social Media aapke blog ke liye traffic machine ban skte hai. Agar aap social media ka sahi tarike se use karte hai to aap apne blog par kaafi new visitors la skte hai.
Social Media Platforms par apne blog ka page ya account jarur create kare aur unhe regularly update karte rahe aur apne social media followers badhane ke liye aap apne account ya page ko promot bhi kar skte hai. Bahut se aise bloggers hai jinhe search engines ki bjay social media se hi pura ka pura traffic milta hai. Aise me apne blog ki in platforms par ek brand ke taur par image jarur bnaye.

6. Comments Section

Aapka blog ka Comment Section hi wo jagah hai, jha aapko pta chalta hai ki aapke post aapke blog readers ko kitne pasnd aa rahe hai aur unke aapki posts ke baare me kya views hai.
Kuch Blogger apne blog par aaye huye comments ka koi response nahi dete, jo ki bahut hi galat hai. Agar aap apne blog par aaye huye comments ka jwab nahi dete hai to log aapke blog par comments karne se bachenge kyu ki unhe aapke blog ke comments section de koi help milti to hai nhi.

Hmesha apne blog par aaye huye har comments ka reply kare. Agar koi aapki taarif karta hai to uska shukriya ada kare, koi kisi problem ka solution chahta hai to uski jha tak ho ske help kare aur bad feedback waale comments ko bhi positively follow kare.

Aapka Blog Ka Comments Section Hi Aapke Aur Aapke Blog Readers Ke Bich Vishwas Ka Ek Relation Kayam Karta Hai.

7. Search Description

Aap apni post ko search results me kis tarah show karte hai, ye bahut maayne rakhta hai. Aapko apni har post ka search Description set karna chahiye taaki readers ko search engine results me hi aapke post ke baare me pta chal jaaye.
Ye  Search Description jitna attractive hoga, Utna hi aapke blog par search engines se traffic aane ke chances jyada badh jaayenge.
Isliye aap hmesha is baat ka khyal rakhe ki Search Description blog seo ke liye kaafi jaruri hai, aise me apne blog ki har post me search description set kare.

Yeh Search Description 150 words se jyada nahi hona chahiye aur isme post ke baare me short words me btaya jana chahiye.

Blog Post Me Search Description Kaise Enable Kare?

8. Unique And Eye Catchy Blog Photos

Search engines blog photos ko sbse phle index karte hai. Aise me aapko apne blog ke liye featured photo taiyar karte waqt kaafi baato ka dhyan rakhna chaiye.
Apne blog photos ko hmesha attractively aur kuch is tarah se design kare ki aapke blog readers ko us image ko dekhte hi aapki post ka 60% content samajh aa jaaye. Aap apne blog ke liye Flicker ya Free Image offer karne waali kisi site se download kar skte hai.

Aap kabhi bhi apne blog par copyright photos use na kare. Yeh aapke blogging carrer aur aapke blog seo dono ke liye dangerous hai. Sath hi apni image ko optimize karke unki size kuch km rakhe taaki page loading speed badh ske.

9. Link Other Related Posts

Apne blog par koi post publish karte waqt us post me km se km 4-5 Related Post ko to link kare hi. Isse aapke blog readers aapke blog se jyada time tak connected reh paate hai aur aapki purani posts ke views bhi badhte hai. Ye apne blog ki reputation aur Blog SEO ke liye kaafi zaruri hai. Aap post se related jitne link add karoge, aapke visitors ka aapke blog par utna hi bharosa badhega kyu ki isse unhe pta chalta hai ki unhe aapke blog par vo sub kuch milega jo unhe chahiye.

10. Apne Blog Readers Ko Post Share Ya Comments Karne Ke Liye Kahe -

Aap apne blog readers ko apni post share karne ya comments karne ko keh skte hai. Agar aap apne blog par real me quality material publish karte hai to aapke blog par aane waale aapki post ko share ya us par comments jarur karenge aur yeh blog seo ke liye kaafi faydemand hai. Iske liye aap apni post ke last me apne blog readers se post share karne ko ya comments karne ke liye bol skte hai lekin iske liye aapko apni post ki quality par bhi dhyan dena hoga tabhi aapke readers aapki yeh baat maanenge. ;)


Final Words - Guys! To aaj maine aapko is post me blog seo ke baare me 10 jaruri baate btayi hai jo I hope aapko jarur psnd aayi hogi. Aaj ka yeh time Hard Work ka nahi Smart Work ka hai aur blog seo se aap smartly bina extra mehnat ke apne blog ka traffic badha skte hai.

Aapko Ye Post Kaisi Lagi, Hme Comments Kar Ke Jarur Btaye Aur Sath Hi Agar Aapko Ye Post Helpful Lagi Hai To Ise Apne Blogger Friends Ke Sath Share Karna Na Bhule.

And As Always...Thanks For Reading. :) KEEP VISITING

No comments:

Post a Comment

Don't Be Shy, Leave A Comment!

Pages