Facebook Se Apne Blog Ka Traffic Kaise Badhaye? { Ultimate Guide }

How To Turn Facebook Into Traffic Driving Machine For Your Blog!


Blogging Ek Passion Hai Aur Is Passion Ko Motivation Blog Par Aane Waale Traffic Se Milta Hai. Ek blogger ke liye sbse important uske blog par aane waale page views hai. Agar aapke blog par Quality Traffic aata hai to aapka blogging passion bahut jald profit me badlne lagta hai. 

Blog Par Traffic Laane Ke 2 Sbse Important Chiz Hai - 1. Search Engines Aur 2. Social Media. Search Engines se traffic laane ke liye aapko apne blog ko seo friendly banana hota hai aur social media platforms se traffic laane ke liye aapko apne blog ko creative bnana padta hai aur iske saath social media ke baare me kuch important baato ka khayal bhi rakhna chahiye. 

Social Media Platforms ki baat kare to pichhle kuch saalo se is list me sabse aage hai “Facebook”. You Know, Google ke baad sbse jyada browse ki jaane waali site facebook hai aur duniya bhar me sbse jyada registered aur active users facebook par hi hai to aap samajh skte hai ki facebook aapke liye kitni badi traffic machine ban skta hai. 

Aaj Is Time Me Aapko Shayad Hi Aisa Koi Business/Blog/Website Mile Jiska Koi Facebook Fan Page Na Ho. Lekin Kya Sabhi Brands Ke Facebook Pages Par Lakho Me Likes Hai? Kya Sabhi Blogs/Websites Ko Social Media Se Hzaro Page Views Daily Milte Hai? Sidha Sa Jawab Hai Nahi.

Get More Traffic From Facebook!

Aapne kuch blogs ke facebook page par dekha hoga ki un par millions likes hai aur kuch pages par 300-400. Pages par lakho me likes hone se bhi jyada fark nahi padta agar aap apne page ko intresting nahi banate to, kyu ki agar aapka facebook page intresting nahi hoga to log aapke posts ignore karna shuru kar denge.

Aaj Mai Aapko Is Post Me Facebook Ke Jariye Apne Blog Ka Traffic Badhane Ke Baare Me Btaunga. Mere Blog Par 60 Percent Traffic Akele Facebook Se Aata Hai Aur 40% Google Se. 

How To Get More Traffic From Facebook?


1. Apne Blog Ke Facebook Page Ko Puri Tarah Set Kare -

Agar aapka koi facebook page nahi hai to aap ek bahut badi chiz miss kar rahe hai. Isliye sbse phle to apna ek facebook page jarur banaye. Facebook page bnana bahut hi aasan hai aur koi bhi facebook user ise aasani se bana skta hai. 

Facebook page bnane ke baad apne blog ke logo ya favicon ko as a profile picture use kare. Cover Photo ke liye aap apne blog se related koi bhi photo use kar skte hai.

Cover aur profile set karne ke baad apne facebook page ke about tab me apne blog ke baare me jarur likhe ki aap apne blog par kaunsa content publish karte hai. Aur sath hi apne facebook page par apne blog ki link add karna naa bhule.

Jab tak aapka facebook page puri tarah set nahi ho jata, new visitors aapke facebook page ko like aur follow karne se katrate hai, aise me apne facebook page ko achchi tarah set kare aur usme apne blog se related har chhoti se chhoti info intresting words me share kare.

2. Apne Facebook Page Ko Apne Blog Ka Sitemap Page Na Banaye -

Jyadatar bloggers apne facebook page par apne blog par published new articles ki links hi share karte hai, iske alawa vo apne page par dusra koi content share nahi karte. Yahi wajah hai ki aapke facebook page par likes hone ke bawjud aapke page ki post reach low rehti hai.

Apne facebook page ko apne blog ka sitemap ya fir blog archive page na banaye. Ye tarika aapke facebook page ke likes to km karta hi hai balki aapke page par first time aane waale facebook users ko bhi aapka page like karne ke liye inspire nahi karta hai. Kewal links hi share karne ki wajah se log aapke facebook page se connect nahi ho paate hai. 

Apne page ko intresting banane ke liye aap apne page par links share karne ke bajay photos, videos aur text bhi share kare. Photos aur videos me aap Inspiring Quotes share kar skte hai aur text status me aap apne fans se apne blog topic se related koi question kar skte hai ya fir unhe kuch tips de skte hai.

Trust me, facebook page ko famous karne ka yeh sbse best tarika hai kyu ki log aisi post par likes, comments aur share bhi karte hai.

3. Posting Ke Liye “Right Time” Choose Kare -

Blog Ya Ho Facebook, Sabhi Social Media Platforms Par Posting Ka Ek Sahi Waqt Hota Hai. Aapne apne blog par jarur notice kiya hoga ki sham ke waqt aapke blog par jyada page views aate hai. Same yahi baat facebook par bhi apply kar skte hai.

Facebook par post karne ka ek sahi waqt chune. Aapko pta hona chahiye ki kaunse time par sbse jyada facebook users active rehte hai. Kyu ki aap bina is baat ko dhyan me rakhe apne facebook page ko update karenge to aapki posts ko jyada response nahi milega. 

Facebook par koi post share karne ke 3 time sbse best hote hai -

1. Subah 6 Se 8 Baje - Subah Jyadatar Facebook Users Isi Waqt Apne Account Me Log In Karte Hai. Isliye Subah Koi Post Share Karni Ho To Isi Time Period Ke Bich Share Kare Kyu Ki Uske Baad Bahut Se Facebook Users Apne School/College/Office Ya Apne Kisi Dusre Kaam Me Lag Jaate Hai. 

2. Raat Ko 8 Se 11 Baje Tak - Facebook Par Sham Ke Waqt Posts Share Karne Ka Sabse Sahi Time Hai - Raat Ke 8 Baje Se 11 Baje Tak. Kyu Ki 8 Baje Tak Jyadatar Log Apne Kaam Khatm Kar Ke Facebook Par Login Kar Lete Hai. Isi Wajah Se Raat 8 Se 11 Facebook Users Sbse Jyada Active Rhte Hai.

3. Holidays - Holidays Sabko Psnd Hoti Hai. Ye Wahi Din Hota Hai Hum Jab Hum Khud Ko Thoda Waqt De Paate Aur Pure Din Rest Karte Hai. Lekin Facebookiye Isi Din Bhi Facebook Par Hi Lage Rhte Hai Aur Is Dauran Chahe Din Ho Ya Raat Lagbhag Sabhi Facebook Users Online Milte Hai To Is Din Aap Kabhi Bhi Apne Page Par Posts Share Kar Skte Hai. 

3. Ek Facebook Group Banaye -

Aap Apne Blog Ka Facebook Page Bhi Bna Skte Hai. Facebook Group Apne Blog Ke Naam Se Bnaye Aur Group Info Me Aap Vistar Se Apne Blog Ke Baare Me Likhe Aur Group Cover Photo Me Apne Blog Ka Logo Use Kare.

Group bnane ke baad usme apne friends add kar de aur apne friends ko bhi unke friends group me add karne ko bole.

Is facebook group ki privacy aap public rakhe to jyada behtar hoga. Group me aap apne blog articles ki links share karne ke sath sath members ki problems bhi solve kare aur unhe bhi apne friends group me add karne ko bole. Group ki privacy is hisab se set kare ki usme sabhi members post kar ske kyu ki jitne jyada log group me apni problems share karenge aur jitni jaldi aap unhe solve karenge, aapke group members ka aapke blog par trust utna jyada hi badhega. Jaruri nahi ki aap unki problem ke solution ko pure article ke roop me comments kare. Agar aapke member ki problem ki related aapke blog par koi article hai to uski link paste kare...isse aapko traffic badhane me bahut jyada madad milegi. 

{ Tip : Agar Aapko Apne Facebook Group Me 20,000+ Active Members Chahiye To VickyPedia Blog Isme Aapki Help Karega. Intrested Blog Readers Niche Comments Kar Skte Hai. }

4. Jyada Se Jyada Facebook Groups Join Kare -

Facebook Par Jitne Active Users Hai, Utne Hi Facebook Par Groups Bane Huye Hai. Lekin Inme Se Jyadatar Sirf Useless Hai. Agar Aap Bhi Facebook Use Karte Hai To Km Se Km 10 Group Aapne Join Kar Rakhe Hi Honge Ya Aapke Friends Ne Aapko Unme Add Kiya Hoga.

Agar Aap Apne Facebook Page Ke Likes Aur Apni Links Par Hits Badhana Chahte Hai To Facebook Groups Jarur Join Kare. 

1. Sirf Wahi Groups Join Kare Jinme 50K+ Members Ho.

2. Apne Blog Ki Language Se Related Language Waale Group Hi Join Kare. Ye Na Ho Ki Aapki Blogging Language Hindi Aur Aap Arabi Group Join Kar Le. 

3. Group Join Karte Waqt Yeh Dhyan Rakhe Ki Yeh Group Active Hai Ya Nahi. Dead Groups Spam Hi Hote Hai.

4. Group Me Sabhi Member Post Kar Paaye, Aise Groups Hi Join Kare.

5. Kum Se Kum 30+ New Groups Join Kare.

5. Try Facebook Ads -

Agar Aap Upar Bataye Huye Steps Follow Nahi Kar Sakte Aur Aap Ek Hi Din Me Apne Facebook Page Par Hzaro Likes Chahte Hai To Aap Facebook Ads Use Kar Skte Hai. Facebook Ki Income Facebook Ads Aur Facebook Users Ki Details Dusre Organization Ko Bech Kar Hi Hoti Hai. Facebook Aapki Har Online Activity Ko Track Krta Hai. :/

Facebook Ads Use Karne Ke Kaafi Fayde Hai. Ek To Aapke Facebook Page Ke Likes Bahut Jald Badhte Hai Aur Dusra Fayda Yeh Hai Ki Ye Bilkul Google Adsense Ki Tarah Kaam Karta Hai. Yaani Ki Aapka Ad Sirf Unhi Logo Ko Show Hota Hai Jinhe Aapki Post Me Intrest Hota Hai.

Facebook Ke Jariye Apne Blog Par Quality Traffic Laane Ka Yeh Sabse Badhiya Tarika Hai Kyu Ki Isse Sirf Wahi Log Facebook Ke Jariye Aapke Blog Par Aate Hai Jinhe Aapke Content Me Dilchaspi Hoti Hai.

Agar Aap Facebook Ad Afford Kar Skte Hai To Upar Ke 3 Steps Ki Bjay Mai Ise Personally Recommended Karunga. 

Final Words - Facebook Ek Aisa Platform Hai Jha Aapko Har Category Se Related Log Milte Hai. Kaafi Log Kehte Hai Ki Facebookers Sirf Funny Aur Viral Content Psnd Karte Hai Par Ye Sach Nahi Hai. Aapko Facebook Par Aapke Blog Ko Psnd Karne Waale Hzaro Nahi Balki Lakho Log Milenge, Agar Aap Upar Btaye Huye Steps Ko Sahi Se Follow Karke Apne Blog Ko Facebook Par Share Karte Hain To.

Ummid Hai Ki Aapko Ye Article Jarur Psnd Aaya Hoga. Agar Aapko Ye Article Helpful Laga Hai To Ise Apne Blogger Friends Ke Sath Facebook Par Jarur Share Kare. :)

And As Always...Thanks For Reading. Keep Visiting. ^_^

2 comments:

  1. bohut Badiya Blogg Hai Achi Jaankari Di Aapne Lage Raho

    ReplyDelete
  2. I have been exploring for a little for any high quality articles
    or weblog posts in this sort of area . Exploring in Yahoo I eventually stumbled upon this website.
    Reading this information So i am happy to convey that
    I have a very good uncanny feeling I came upon exactly what I needed.
    I such a lot unquestionably will make sure to don't fail to remember this web site and give it a glance regularly.


    Also visit my web site - Pandora Rings

    ReplyDelete

Don't Be Shy, Leave A Comment!

Pages