Pages Every Blog Needs!

Ek blog ke liye quality posts ke sath sath pages bhi bahut important hote hai. Aapne kaafi blogs aur website ke Header ya Footer me About Us, Privacy Policy, Contact Us jaise pages ki link dekhi hogi. Ye pages aapke visitor ke liye aapke blog ko jyada user friendly bnate hai aur sath hi aapko apne blog par AdSense ads show karne ke liye bhi ye pages add karna jaruri hai. To chaliye aaj mai aapko is post me yeh btaunga ki -
 Ek Blog Par Kaun Kaun Se Page Hme Jarur Add Karne Chahiye?
Aur In Pages Me Aapko Apne Blog Ke Baare Me Kaunsi Information Provide Karni Chahiye.


Ek Blog Par Hme Kaun Kaun Se Page Add Karne Chahiye -



1. About Us -

About Us Page ek Blog ke liye sbse important page hai aur ye page aapke blog me compulsory rup se hona hi chahiye. About us page aapke blog ke new visitors ko aapke ( Author, Admin ) aur aapke blog ke baare me briefly information provide krta hai ki, Aap Kaun Hai?, Aap Apne Blog Par Kya Share Karte Hai, Aapke Visitors Ko Aapke Blog Se Kya Sikhne Ko Milega Taaki Vo Aapke Blog Ko Subscribe Kare. Aap is page ko uniquely design kare aur for example aap mere blog ka “About Us” page visit kar skte hai.

2. Contact Page -

Ek blogger ke liye Contact Us page apne visitors se connect hone ka ek behtarin jariya hai. Is page me aapko apne visitor ke liye aapse ( Blog Admin ) contact karne ki puri information deni chahiye.
Aap yha ek contact form ke sath apni social media profile bhi link kar skte hai, jisse ek to aapki fan following jyada hogi aur aapke users aapse jald contact kar paayenge.
Agar aapke ek se jyada blog hai to har blog ke liye apni ek alag email id de taaki aapka inbox well maintained reh ske aur sath hi yha apni personal email address ki jagah professional email address de. For example, aap mere Blog ka “Contact Page” kar skte hai.

3. Privacy Policy -

Aapko apne blog par, blog ki privacy policies wala page jarur add karna chahiye, taaki aapke visitors ko yeh aasani se pta chal ske ki unhe aapke blog ko kis tarah navigate aur use karna hai.
Privacy Policy page me aap yeh information de skte hai ki, aap apne subscribers ki email address ka kya use krte hai, aapki site cookies use krti hai ya nahi, aap apne subscribers ke email address ko third parties sites ke sath share karte hai ya nahi. Aap apne blog ki privacy policy ko apne blog ki default language me likhe aur sath hi yeh bhi dhyan rakhe ki aapki privacy policy is hisab se ho ki aapke visitors use aasani se samajh ske.
For example aap mere blog ki “Privacy Policy” wala page visit kar skte hai.

4. Error 404 Page -

Jaise jaise aapke blog ka traffic badhta jata hai, aapke blog ki kuch dead links par bhi clicks badhte jaate hai. In links par click karne par aapke visitors ko ek boring Error 404 Message wala page show hota hai.
Aapko apne blog ke liye ek unique Error 404 Page taiyar karna chahiye, jha aap apne visitor ke liye direct aapke blog homepage par jaane ka link add kar skte hai.
For example aap mere Blog ka “Error 404” Page dekh skte hai.

5. Advertise With Us -

Agar aapke blog par huge traffic aata hai to aapko apne blog par ek Advertise With Us Page jarur add karna chahiye, jha aap publisher ke liye briefly apne blog ke baare me describe kar ske.
Is page me aap apne blog par kya publish karte hai, aapke blog ka monthly aur daily traffic kitna hai aur sath hi aapke blog par kis types ke ads allowed hai aur aap unke liye kitni fee charge karenge.
Ek well designed Advertise With Us Page aapke blog par apne ads publish karne ke liye publishers ko jaldi attract krta hai.

6. Guest Bloggers Page -

Agar aapke blog par aap guest post allow karte hai ya aapke kaafi visitor aapke blog kr liye post likhne ko bolte hai to aapko apne blog par yeh page jarur add karna chahiye.
Is page me aap apni post policies ke baare me apne visitors ko bta skte hain, jaise - aapke blog par kis types ki post allowed hai, aapke blog ke liye post ki word aur per post image limit kya hai aur aapke visitors aapke blog ke liye guest post kaha submit kar skte hai. Aapko is page me apni post policies ke baare me khul kar btana chahiye taaki aapke visitors ke mn me aapke blog par guest post ko lekar koi confusion na ho.

7. Services Page -

Agar aap apne visitors ko koi service offer karte hai to yeh aapke blog ke liye kaafi fayademnd sabit hoga. Apne visitors ko aap apni services sell karke blog se hone waali income jyada kar skte hai aur sath hi isse aapke blog ki popularity bhi increase hogi. Jitni badhiya aap apne visitors ko service provide karenge utna hi jyada aapka blog hit hota jaayega.
Agar aap apne visitors ko kuch valuable service provide kar skte hai to aapko apne blog par ek Services page jarur add karna chahiye.
For example aap mere Blog ka “Services” page visit kar skte hai.

To Ye The Kuch Important Pages Jo Har Blogger Ko Apne Blog Par Jarur Add Karne Chahiye. I Hope, Aapko Mera Ye Article Jarur Helpful Lga Hoga. Agar Aapko Mera Ye Article Pasand Aaya Hai To Ise Apne Social Media Friends Aur Followers Ke Sath Share Karna Na Bhule.

Thanks For Reading.  

No comments:

Post a Comment

Don't Be Shy, Leave A Comment!

Pages