How To Submit Android Apps On Play Store?!

Meri pichhali post me aapne padha tha ki Free Me Android Ya iOS Apps Aur Games Kaise Bnaye Jaaye. Ummid hai vo post aapko jarur pasand aayi hogi.
Apna ek app ya game create karne ke baad agla kaam hota use Play Store par submit karna aur uske baad duniya bhar ke Android Users se judna. Google Play Store par apna phla App submit karna koi khas mushkil kaam nahi hai. Aap meri posts me btaye gaye steps follow kar ke kuch hi minutes me apne app ko Play Store me submit kar skte hai.

Google Play Store par aapko apna App distribute karne ke liye aapko ek account bnana padta hai aur uske liye Google sirf one time 25$ charge krta hai. Google ke anusar yeh 25$ Play Store ko aur behtr aur user friendly bnane me madad krta hai aur sath hi is one time ki wajah se log Google Play par spam apps bhi distribute nahi karte. Lekin agar aapko Play Store ka yeh plan pasand nahi aaya to aap apne app ko App Store ( iOS ) ya windows store par bhi distribute kar skte hai. Apple aapse app submit karne ke 99$ per year leta hai jabki Microsoft 12 $ se 99 $ tak per year leta hai. To chaliye ab mai aapko Google par apna app submit karne ki puri process btata hu -



To submit your app to the Google Play store:


1. Aapko apne app ko google play par submit karne se phle Google Developer Page par apni Gmail Id se login karna hoga.
Click Here

2. Login karne ke baad aapki screen par Google Developer Page ka dashboard hoga, jha aapko “+ Add New Application” par click karna hai.

3. + Add New Application par click karne ke baad aapko apni Default Language select karni hai aur uske baad apne App ka title enter kare aur Upload Apk par click kare.

4. Upload Apk par click karne ke baad aapko apne computer ya mobile se apne app ki Apk file select kar ke upload karni hai.

5. Apk file choose karne ke baad aapko Store Listing Tab par click karna hai aur usko baad apne app ki niche likhi huyi details deni hai -

✴ Title - Aapke App Ka Naam

✴Short Description -
Yha par aapko apne app ke baare me short description dena hai. Ye description us waqt show hoga jab koi Android User Play Store se aapka app download karega. Yeh description isliye jaruri hai taaki download karne waale ko pta chal ske ki yeh app hai kis kaam ka?

✴ Full Description -
Yha aapko apne app ke baare me puri details deni hai.. jaise aapke apps me kaunse features hai aur aapka app Android User ke liye kis tarah faydemand rhega aur ise vo kis tarah use kar skta hai. Lekin dhyan rahe yeh description 4000 words se jyada nahi hona chahiye.

6. Title, Short Description aur Full Description ke baad aapka agla kaam hai apne app ke screenshots upload karna. Aapko yha km se km 2 screenshots to upload karne hi honge aur jyada se jyada aap 8 screenshots upload kar skte hai. Aapko apne app ko mobile aur tablet dono me run karke uske screenshots lene honge. Mobile ki screen size 5" aur tablet ki size 7" se 10" sbse thik rahegi.
Graphic resolutions -
Phone - 320 X 640
Tablets -1024 X 768 or 1280 X 800

7. Screenshots upload karne ke baad aapko next step me apne app ko ek icon upload karna hoga. Iske liye aapko “+ Add High-Res Icon” par click kar ke apne app ka icon select karke upload karna hoga aur sath hi yeh bhi dhyan rakhe ki app icon ki size 512×512 px ho.

8. App Icon upload karne ke baad aapko apne app ka Feature Graphic upload karna hoga. Feature Graphic aapke app page ke top pe show hota hai. Ye bilkul facebook cover photo ki tarah hota hai jaise aap kisi bhi facebook user ki profile open karoge to top par uski cover pic Aur uske baad uski dp show hoti hai. Bilkul yahi same system play store me hai. Top par feature graphic aur uske niche app icon. Iske liye aapko “Add Feature Graphic” par click karna hoga.

9. Step no. 8 tak ki saari process complete hone ke baad aapko apni App Type, Category aur Contect Rating jaise High Maturity, Medium Maturity ya Low Maturity select karni hai.

10. Ab aapko agle step me apne contact details deni hai jaise ki website, email aur mobile number. Ye step optional hai. Aap chahe to ise complete kar skte hai ya privacy ke liye skip kar skte hai.

11. Ab aapko apne app ki privacy policy ki koi link add karni hai. Agar koi aisa webpage hai to aap yha uski link add kare aur agar aapke pass aisi koi link nahi hai to aap “Not Submitting A Privacy Policy Url At This Time” par click kar skte hai.

12. Ab upar ke saare steps complete karne ke baad saari details double check kar le aur fir uske baad Save button par click kare.

13. Ab agla kaam hai apne app ki price set karna. Iske liye aapko “Pricing & Distribution” par click karna hoga.

14. Ab aapko yeh select karna hai ki aap apna App free rakhna chahte hai ya paid. Aapko apne app ko paid app ki tarah select karne ke liye ek merchant account bnana hoga aur fir use Google Account se link karna hoga.

Note : agar aap apne free of cost rakhna chahte hai to dhyan de ki aap dubara kabhi apne usi app ko paid app me nahi badal skte.

15. Ab aapko un countries ko select karna hai, jha ke log aapki app Google Play se download kar ske. Aap select all countries par click kare taaki duniya bhar ke Android Users aapka app use kar ske.

16. Iske baad Google aapko app guidance show karega...in sb ko ek baar aaram se padh le aur uske baad aapka agla kaam hai publish button par click karna.

17. Publish button par click karne ke baad aapka app kuch minutes ya hour baad Google Play Store par show hone lgega.


I Hope Aapko Meri Yeh Post Jarur Pasand Aayi Hogi. :) Aapko Yeh Post Kaisi Lagi Hme Comments Ke Jariye Jarur Btaye..Aur Sath Hi Aap Mere Is Article Ko Apne Social Media Friends Aur Followers Ke Sath Share Karna Naa Bhule.

Agli Post Me Aapko Yeh Btaunga Ki Kis Tarah Aap Ek Android Aur ios App Ya Game Bna Kar Per Day 1-2k Rupees Kaise Kma Skte Hai. To Iske Liye Aap Hmse Social Media Par Judna Na Bhule Taaki Aap Hmari Har Post Se Updated Reh Ske.

Thanks For Reading. :)

No comments:

Post a Comment

Don't Be Shy, Leave A Comment!

Pages