How To Make Money On YouTube?!

Internet par maine apni pehli kamai YouTube par hi ki thi. Maine YouTube par total 62 videos upload kiye the aur unse 250$ kamaye the. Lekin uske baad jab maine Blogging se paise kamane ke baare me suna to maine apne YouTube channel ko delete kar ke sirf Blogging par hi focus karna shuru kar diya. Lekin yeh meri sbse badi galti thi, kyunki Blogging ke alawa YouTube bhi mere liye online paise kmane ka ek achcha jariya tha aur agar mai kuch aur mehnat karta to aaj YouTube par Blogging se jyada paise kama rha hota.


Aaj mai aapko YouTube Se Paise Kmane Ke Baare Me Guide Karunga. YouTube se paise kamana koi khas mushkil kaam nahi. YouTube, Google ke dwara hi bnaya gaya hai jo online videos dekhne ka sbse popular platform hai. Hm me se jyadatar log kisi upcoming movie ka trailer, tv show ke episodes, music videos aur duniya bhar ke intresting aur viral videos dekhne ke liye aksar YouTube par jaate rhte hai.

“Aapko kya lgta hai ye log faltu me hi apna data aur time brbad kar ke YouTube par videos share karte rhte hain ?”
Aap jab bhi koi YouTube video play krte hai to aapko video se phle ek advertisement show hota hai aur yahi advertisement in logo ki income ka main source hai. Hm agar un advertisement ko pura dekhte hain ya un par click karte hai to YouTube video upload karne waale ko par click ke hisab se paise milte hai.

Agar aapko YouTube me intrest hai ya aapke pass kuch aise videos hai jo aap YouTube par upload kar ske to aap YouTube ke Jariye monthly 100k ₹ kama skte hai. Lekin agar aap yeh soch kar khush ho rahe hain ki aap abhi apna YouTube channel bnakar aur uspar 15-20 videos upload kar ke lakho me kamana shuru kar denge to aap galat soch rahe hain. Har kaam me success hone ke liye aapko thodi bahut mehnat to karni hi padegi. Lekin ab aap ye soch kar bhi sad feel mt karna ki aapko YouTube se paise kamane ke liye bahut jyada mehnat karni hogi. Aapko bas starting me thodi mehnat kar ke apne channel ko popukar bnana hoga aur agar ek baar aapka channel chal pada to bas aapko fir paise ginne hai mehnt nahi karni.


YouTube Par Videos Upload Kar Ke Apne Bank Account Me Money Download Karne Ke Liye Aapke Pass Kya Hona Chaiye -

YouTube par paise bnane se phle aapko yeh tay kar lena chahiye ki aap YouTube par apne Viewers ko kaunsa contect provide karenge? Bina planning ke agar aap YouTube par apna channel bna loge to aap kabhi success nahi ho paaoge. Kisi bhi kaam ko shuru karne se phle uski planning karna sbse important hai, agar aapne bina soche - samjhe aur bina kisi working plan ke apna kaam shuru kiya to ya to aapka pura ka pura kaam dubara se start karna padega ya sirf aapka waqt hi brbad hoga. To chaliye ab mai aapko mera example leke btata hu ki agar mujhe apne YouTube channel ke Jariye paise kmane ho to mai sbse phle kaunsi chizo par dhyan dunga -

1. Voice - 

Ek YouTube video me video ka audio sbse jyada mayne rakhta hai. Agar aapki aawaz achchi hai to audience aapke video me jyada intrest leti hai aur unhe aapke lage video ka besabri se intzar rhta hai. Yha aap yeh mt sochiye ki aap aawaz koyal jaisi honi chahiye. Jyada mithi aawaz se aapke Viewers ko sugar ho jaayegi. Aapke video me sbse jyada maayne yeh rakhta hai ki aap kitna confidently bolte hai, aapki aawaz kitni clear hai aur apni baat ko kis andaz me bolte hai.

2. Thodi Style Bhi Ho -

YouTube video me sirf aawaz se hi kaam nahi chalega. Aapki body language, style aur camera ke saamne bolne me aapka confidence bhi bahut important hai. Aap apni videos is tarah bnaye ki aapke Viewers ko lage ki aap direct unse baat kar rahe hai. Lekin is baat ka hmesha khyal rakhe ki aapka attitude positive hona chahiye, negetive attitude aur jyada hi style me bnaye gaye videos aapke Viewers kbhi bhi pure nahi dekhenge.

3. Talent - 

Audio aur video ke baad tisri sbse important chiz hai aapka Talent. Sirf aawaz aur style se hi kaam nahi chalne wala, aapke andr kuch aisa talent hona chahiye jo aapke Viewers ko aapke video se jode rakhe. Jaise mai apne blog ke Jariye online paise kmane ke tarike, latest Android, WhatsApp aur Facebook tricks share krta rhta hu, inhe mai ek video ke Jariye bhi aapke sath share kar skta hu. Ye to ho gya mera talent.
To aap apne andr ke talent ko pehchane, aur uske baare me jyada se jyada sikhte rhne ki koshish kare.

4. Video Quality -

Aaj hm sabke haath me smartphone hai aur lagbhag saare smartphones full HD videos support karte hai. To is baat ka hmesha dhyan rakhe ki aapke video ki quality achchi ho. Normal aur lower quality waale videos dekhna aajkal koi bhi psnd nhi krta to hmesha yhi koshish kare ki aapka video high quality ka ho. Aap iske liye ek badhiya camera quality wala smartphone kharid skte hai.

5. Video Editing -

Agar aap YouTube me seriously interested hai to aapko basic video editing to aani hi chahiye taaki aap apne video ko or jyada behtar bna ske. Video Editing sikhane ke internet par aapko bahut saare Tutorials Videos mil jaayenge, jinse aap normal video editing sikh skte hai.

6. Computer And Good Internet Connection -

Bina ek computer aur fast internet connection ke YouTube se paise kmane ki sochna bas waqt brbad karna hai. Agar aapke pass computer nahi hai to aap apne video ki editing nahi kar paayenge aur bina achche internet connection ke aap un videos ko time pr upload nahi kar paayenge.

7. Audience -

YouTube par success hone ke liye audience bhi sbse jaruri hai. Yeh aap bhi jaante hai ki starting me aapko bahut jyada visitors milna bahut hi mushkil hai. Lekin agar aap Facebook, Twitter aur Whatsapp ke Jariye apne videos ki link apne friends aur followers ke sath share karenge to aap jald hi apne video ke views badha skte hai.
Ye saari chize aapke pass hone ke baad YouTube se paise kmana shuru kar skte hain.


How To Make Money On YouTube?!

Ab aapne yeh to jan liya ki aapko YouTube se paise kmane ke liye kaun - kaun si chize chahiye. Ab aapka agla kaam hai apna YouTube Channel bnakar uspar videos upload karne use AdSense ke jariye monetize karna. To chaliye ab mai apni post ko jyada lambi na khinchate huye aapko btata hu ki aap YouTube channel kaise bnaye aur use Adsense se kaise jode -

Steps :-

1. Sbse phle aap apne browser me YouTube open kare. YouTube open ho jaane ke baad Menu  waale button par click kar ke “Log In” par click kar ke apni Gmail id se Login kare.

2. Login karne ke baad aap waps Menu button par click kare aur “Your Channels” par click kar ke “Create A New Channel” par click kare.

3. Agla Page open hone ke baad aap channel name, link, details jaisi information enter kar ke apna YouTube Channel bna skte hai. Aur iske baad aap apne channel ke liye ek attractive profile aur cover picture upload kare.

4. Upar ke steps follow karne ke baad ab aapka YouTube channel videos upload karne ke liye taiyar hai. Ab aap apne channel par aapke khud ke bnaye huye 7-8 videos upload kar de. Aap yha is baat ka khayal rakhe ki video aapke khud ke bnaye huye ho, dusre ke bnaye huye videos se aap thode bahut paise to kama skte hai par aap usse kbhi success nahi ho paaoge. Aur agar aapne kisi dusre ka copyright wala video upload kar diya to aap agle kuch dino me fir piracy ke jurm me jail me honge. 😂

5. Videos upload karne ke baad aapka agla kaam hai apne videos ko monetize karna aur unhe AdSense se connect karna. Apne YouTube channel ko monetize karne air unhe AdSens se connect karne ke baad Google Aapke videos par ads show karega aur agar aapka koi viewer un par click karta hai to aapko 0.2 $ se 5$ per click ke milenge. Mai post ko jyada lamba nahi karma chahta isliye mai aapko apni next post me btaunga ki YouTube channel ko monetize kaise karte hai. Isliye aap hmari latest post se updated rhne ke liye “Coolest Tricks Blog” ko social media par follow karna naa bhule aur sath hi aap hmari post Subscribe kar ke hmari latest post direct apne email inbox me free me receive kar skte hai.

I Hope, Aapko Mera Ye Article Jarur Pasand Aaya Hoga. Aapko Meri Yeh Post Kaisi Lagi, Comment Kar Ke Jarur Btaye Aur Sath Hi Is Post Ko Apne Social Media Friends Aur Followers Ke Sath Share Karna Naa Bhule.

Thanks For Reading. :)

2 comments:

  1. Ever wanted to get free Instagram Followers and Likes?
    Did you know that you can get them AUTOMATICALLY & ABSOLUTELY FOR FREE by registering on Like 4 Like?

    ReplyDelete
  2. an individual guarantee finish usefulness of their PC for nothing. The site offers a scope of high caliber and free programming downloads. The site can be sought through a toolbar, through proofreader's picks and by class.https://sourceforge.net/projects/fvdtubeforandroid/

    ReplyDelete

Don't Be Shy, Leave A Comment!

Pages