Instagram Se Paise Kaise Kamaye? Full Guide In Hindi

Make Money On Instagram!

Pichale kuch saalo me Social Media Platforms jis tarah internet par ubhar kar aaye hai aur inki popularity badhi hai, use dekhte huye ab ye nahi kaha ja skta ye sites sirf naye dost banane ya photo-video share karne ke liye hi bani hai. Duniya bhar ke saare internet users kam se kam ek social media platform se to jude huye hi hain, aise me ab jyadatar brands apni branding aur customer reach badhane ke liye social media platforms use karne lagi hai.

Iske sbse bada fayda un logo ka hua, jinki is tarah ki sites par achchi khasi fan following hai. Aajkal jyadatar companies social media users ko apna brand promote karne ke liye hire karti hai, jisse dono ko hi fayda hota hai. Jyadatar log social media ke jariye paise kamane ko lekar jhuthi baat maante hai lekin trust me social media ke jariye aap kisi hi dusre platform se kahi jyada kama skte hai. To Aaj mai aapko is post me Instagram ke jariye paise kamane ke baare me btaunga.

Instagram Photo Sharing ke liye sabse Popular Social Media Platform hai. 21 July 2016 ki ek Report ke anusar Instagram par 500 Million Monthly Active Users aur 300 Million Daily Active Users hai. Ab jis platform par ek sath itne log jude huye ho to kisi bhi compny ke liye apne products ko promote karne ke liye Instagram se behtar koi Platform nahi ho sakta. Instagram ke jariye paise kmane ke baare me mujhe maalum nahi tha..par mera jyadatar time Blogging ya Google par Latest Tricks dekhne me hi jata hai to ek din ek article ki kuch lines par meri najar padi jo mai aapke sath share kar rha hu -

“Instagrammers with more than 1,000 followers could earn £40 or more a post, according to the app Takumi, while bigger users could make up to £2,000.

Those with 10,000 followers could earn £15,600 a year, while the biggest influencers - those with 100,000 followers, could earn £156,000.”

Ab aap bhi soch rahe hai ki kya sach me in apps se...jin par hm sirf  status aur photos hi post karte rhte hai, unse koi itne paise kama sakta hai kya...? Shuruaat me mujhe bhi bharosa nahi hua par jab maine iske baare me deeply search ki to pta chala ki 10k Followers ke sath Yearly 15600 British Pound × 67.33 Indian Rupees = 1375634.52 ₹ to Instagrammers 2015 me kama rahe the, 2016 me log isse kahi jyada kama rahe hai instagram se..

Make Money On Instagram


To chaliye aaj mai aapko apni post me step by step btata hu ki vo kaunse tarike hai jinse aap Instagram se Popularity ke sath-sath apna Bank Balance bhi badha skte hai. Lekin aage badhne se phle aapko bta du ki kisi bhi kaam me aapko pehle din se hi paise nahi milte... shuruaat me to aapko mehnat karni hi padegi.

Ready..? Let's Begin!


Also Read -
                    Facebook Se Paise Kaise Kamaye?
                    WhatsApp Se Paise Kaise Kamaye?


1. Apni Fan Following Badhao -


Sabse pehla aur jaruri kaam hai ki aap Instagram par apni Fan Following badhao. Jab tak aapke Followers jyada nahi honge koi bhi brand aapko paise dene ke liye taiyar nahi hoga. Ab Fan Following kaise badhaya jaaye..? Chinta mat kar yaar...ye bhi mai hi btaunga...aap apni Fan Following badhane ke liye meri yeh post
Social Media Ke Jariye 2-3 Din Me Apne Blog Ka Traffic Kaise Badhaye? Padh sakte hai. Ye hai to vaise Blog ka traffic badhane ke baare me par usme jo tips diye hai unhe follow karke aap apni Instagram Fan Following bhi badha sakte hai.

2. Apne Bio Me Apne Baare Me Right Information De -

Apne Bio me aapko apne baare me saari details bilkul sahi bharni hai. 2 din me Followers badhane ke liye kahin Angle Priya mat bn jana. :P aur Angle Priya bnke Bahut jyada Followers bhi kar le to koi fayda nahi kyunki Top Brands sirf Real Users ke sath hi deal karte hai. ;)
Apne bio me aapko apne baare me bilkul sahi information deni hai, jaise -
Vicky Kumar from Jaipur 
Business Query - aapkaemailadress@email.com

Aur iske alawa aap dusre jo bhi keywords add karna chahe vo aapki marzi.

3. Post Regularly Kare -

Jab maine apna pehla blog bnaya tha tab maine kuch posts karne ke baad post karna bnd kar diya kyunki mere blog par traffic kaafi kam tha. Yeh problem bahut saare logo ke saath hoti hai.. shuruaat me ek-do din post karte hai aur jab Followers nahi badhte to post karna hi band kar dete hai. Arey Yaar ab tu kuch achcha post karega to hi Followers badhenge naa..? Aap aur mai koi Celebrity to hai nahi ki bas naam se hi Followers ki baadh aa jaaye.  Aapko apni Fan Following badhane ke liye regularly post karni hi padegi. Lekin kuch bhi bkwas aur ek sath bahut sari post na kare...kyunki yeh aapki fan following badhne ke bjay un logo ko bhi aapko unfollow karne ko majbur kar degi jo aapko follow karte hai.
Aap agar busy rhte hai to har din kam se kam 3 post to jarur kare aur sath hi yeh bhi dhyan rakhe ki aap jo bhi post kare vo logo ko pasnd jarur aani chahiye.

Also Read -
                 Top Paying Android Apps 2017 {Recharge & Real Money}
                  YouTube Se Paise Kaise Kamaye?

4. Achchi Photos Le -

Jaisa ki aap jaante hai ki Instagram photo sharing ke liye hi bna hai. Ab aise platform par log un users ko hi follow karna pasand karenge jo achchi photos share karte ho. Yha achchi se mtlb photo ki quality se hai. Weak quality ki photos share karke aap apne Followers par negetive effect na daale. Aap apne aas pass ke khubsurat pal High Definition Quality me capture karke unhe Instagram par post karke aap apni Fan following badha skte hai aur ek achchi photo ke liye aapko ek badhiya performance wala DSLR bhi lena padega. ;)


5. Hashtag Wisely Use Kare -

Agar aap apni photo bina #Hashtag ya fir bahut kam bahut Hashtag ya fir bekar Hashtag use karoge to aapki posts kbhi bhi dur tak nahi jaayegi.
Instagram par Fan Following badhane me Hashtag bhi bahut help karte hai. Agar aap apni photo se related Hashtags Wisely use karoge to aapki fan following sure badhegi. To hmesha kuch bhi naya post karte samay apne Hashtags par jarur dhyan de.


Chalo Ab Aapne Apne Followers To Badha Liye Aur Instagram Par Post Karne Ke Baare Me Aur Post Ki Reach Badhane Ke Baare Me Bhi Sikh Liya. Good. :) Now It’s Time To Start Making Money.


Also Read - 
                  Ghar Baithe Online Paise Kamane Ke Tarike
                  

Instagram Se Paise Kaise Kamaye?


Steps :


1. Affiliate Marketing - 

Affiliate Marketing me aapko kisi ek product ko promote krna hota hai aur uski link apne Instagram Posts ke sath share karni hoti hai. Aapne kuch blogs ya website par bhi side bar me aise ads dekhe honge..jo kisi khas product ke baare me hote hai. Aur ye Instagram par bhi kuch khas alag nahi hai bas yha add publish karne ka tarika thoda sa alag hai. Jab bhi aapka koi follower us link ke jariye vo product kharidta hai to aapko us product par commission mil jata hai aur ye commission 10, 12, 20 ya fir 50% tak ho skta hai. Par affiliate marketing me aap paiso ke lalch me koi bhi faltu ka product promote naa kare...isse naa aapko kuch profit hoga aur sath hi aapke followers bhi aapki posts me intrest lena band kar denge. To aap hmesha unhi products ki link share kare jo aapko khud pasand ho aur vo product aapke post material se bhi match kare. Ab agar aap posts nature photography ke baare me krte hai aur links Machinery Tools ki share karte hai to aap khud andaza lga skte hai ki aapko profit hoga ya nahi..? ;)

2. Sponsored Post Likhe -

Jab Instagram par aapki fan following achchi khasi ho jaaye to aap kisi Sponsor ko dhudh kar Sponsored Post bhi likh skte hai. Aur saath hi aap kisi dusre Instagram user ki profile bhi kuch paiso ke badle apni profile par share kar skte hai.
Jitne jyada aapke Followers honge utne jyada hi aap ek sponsored Post ke liye charge kar paayenge.

3. Paid Reviews Likhe -

Hm jab bhi koi product online kharidate hai to sabse phle uske reviews hi check karte hai ki is product ke baare me iske customers kya keh rahe hai..? Ye reviews customer apni marzi se aur apne hisab se likhte hai.
Lekin internet par kuch aisi website bhi hai jo Instagrammers ko apne product ke review likhne ke paise deti hai. Kuch sites aapko apne product ka review likhne ke 5, 10, 50 ya fir 100 Us Dollars tak de skte hai. Lekin sath me is baat ka dhyan jarur rakhe ki review unhi products ka de jin par aap khud trust kar ske.

4. Apni Photos Online Sell Kare -

Agar aapko Photography ki saari barikiyo ke baare me sab pta hai aur aap ek Professional Photographer ki tarah kuch achchi pics click kar skte hai to aap unpar apna watermark lga ke online bech skte hai. Aapki photo jitni jyada badhiya hogi utni badhiya hi aapko Rakam₹ milegi to abhi se apne photography skills me nikhar lana shuru kar dijiye. :)

5. Apna Instagram Account Bech De -


Jab aapke Instagram Account par bahut saare Followers ho jaaye lekin aapka Instagram se mn bhar jaaye to aap apne Account ko achchi khasi rakam me bech bhi skte hai aur dusra account bna ke ya fir kisi dusre social media platform par bhi try kar skte hai.



To Yeh The Instagram Ke Jariye Paise Kamane Ke Sabse Aasan Aur 101% Working Tarike. Agar Aapke Mn Me Is Post Se Related Koi Bhi Question Ho To Aap Mujhse Comments Ke Jariye Puchh Sakte Hai Aur Sath Hi Agar Aapko Meri Yeh Post Pasand Aayi Hai To Ise Apne Social Media Friends Aur Followers Ke Sath Share Karna Naa Bhule.


Thanks For Reading. :)

4 comments:

  1. mere instagram par 5k followers hai to kya mai bhi kuch earn kar skti hu insta se?

    ReplyDelete
  2. 1.Instagram me account Kaise bnaye.
    * Followers 10000 ho gye maan lete h.
    * Uske chlo bohot logo ka response bhi aa gya maan lete.
    2. Pr paise kama rhe h or paise ko Kaise bank me transfer kre. Eska koi help btaona.

    ReplyDelete

Don't Be Shy, Leave A Comment!

Pages