Apne Blog Ko Google Par Top Me Kaise Laaye?

How To Get Ranked #1 On Google!


Ek Blogger Ke Liye Sabse Important Kaam Hota Hai Apne Blog Ko Google Par Top Me Laana Aur Iske Liye Sabhi Bloggers Kaafi Mehnat Karte Hai. Lekin Agar Aapko Apne Blog Ko Google Me Top Par Laane Ke Secrets Pta Ho To Ye Kaam Aur Bhi Easy Ho Jata Hai. Is post mai aapke sath vo methods share karunga jo mai khud apne blog ko Google Search Results me top par laane ke liye karta hu. Is post me aapko kuch easy steps btaunga, jinhe follow kar ke aap apne blog ko hit kar skte hai. Blogging ki duniya me bina mehnat ke success ho pana lagbhag namumkin sa hai. Lekin yha mehnat ka mtlb kisi mazdur ki tarah haad-tod mehnat karna nahi hai, blogging ko duniya me aapko apni ek alag pehchan bnane ke liye aapko Hard Work ki nahi blki Smart Work ki jarurt hai. Aap apne blog ko top par laane ke kaafi mehnat bhi karte hoge, lekin aap jaisa result chahte hai, vo aapko mil nahi pata. Iski wajah yahi hai ki jin chizo ko fix karna sbse important hai hm unhe chhod kar dusri hi chizo par time waste karte rhte hai.

How To Get Ranked Number 1 On Google?!

Blog ko jald se jald Google Search Results me Top par laane ke aapka quality post karna sbse jaruri hai aur uske sath hi apne blog post ko right social media platforms par share karna. Aap apne articles ki quality jitni increase karenge, Google aapke blog ki ranking bhi usi tarah increase krta jaayega. Google Search Results me apne blog ko top par laane ke aapko time to time Google ki policies jarur padhni chahiye, kyunki jab tak aapko Google ki policies ke baare me pta hi nahi hoga, aapko kbhi pta nahi chal jaayega ki aapko kaunsi jagah sbse jyada mehnat karni hai. Google Policies ko ek din me samajh pana ya unke baare me sbkuch sikhna thoda muskil hai, lekin don't worry...mai aapka ye kaam bhi aasan kar deta hu. Aaj aapko mai is article me un steps ke baare me btaunga, jin par aap work karke apne blog ki search ranking aasani se badha skte hai.

Blog Ko Google Search Results Me Top Par Laane Ke Liye Aapko In Topics Jyada Work Karne Ki Jarurt Hai -


1. Quality Content
2. Write Articles for Your Readers, Not For Money
3. Choose Right Social Media Platforms For Promoting Your Blog
4. Unique, Attractive And User Friendly Blog
5. Quality Images And Tutorial Videos


1. Quality Content -

Ek Blog ke sbse important part uski posts hoti hai. Aap apne blog ke liye post kis type me krte ho, aapki post language smjhne me kitni aasan hai aur aapki post se aapke visitors ko kya sikhne ko milega ya unhe usse koi fayda hoga ya nahi?, ye sb chize aapke blog ko hit karwane me sbse important role rakhti hai. Jab tak aap apne blog par quality post nahi karenge, tab tak aap apne blog se kuch kmane ki sochna to chhodiye, aapke liye apne blog par traffic lana mushkil ho jayega.

Quality Content se mera mtlb hai ki aapke blog par aapko visitors ko kuch valuable mile, jisse unhe kuch fayda ho aur unhe kuch nya sikhne ko mile. Logo ko pagal bnane wali post kar ke aap kbhi ek successful blogger nahi ban skte.  To jha tak possible ho apne visitors ko hmesha kuch na kuch nya provide karte rahe, jo unhe dusri sites par naa mile.

Ab agla swal yeh hai ki quality post kaise ki jaaye aur unki language kaisi ho? Aap apne blog par hmesha kuch na kuch new share karte hai lekin fir bhi traffic bahut kam aa rha hai to iski wajah kya hai? Iski wajah hai aapki post writing style. Aap bhale hi apne blog par latest se latest tips and tricks share kar le, lekin jab tak aapki post language attractive, baaki blogs se alag aur aasani se smjhne layak nahi hogi, koi bhi aapke blog ki baaki post padhna nahi chahega. Post language kaisi ho, iske liye aap kuch famous blogs padh skte hai aur unse sikh skte hai ki ek quality content kaise taiyar kiya jata hai. Jab aap apne blog par quality post share karne lag jaayenge, mai guarantee leta hu aapke blog ko fir hit hone se koi nahi rok skta. Bas iske liye aapko puri lagan aur sahi jagah mehnat krni hogi.

2. Write Articles for Your Readers, Not For Money -

Agar aapne blogging yeh soch kar start ki hai ki aap isse paise kma skte hain to aap bilkul sahi hai lekin agar aap sirf aur sirf paiso ke liye hi blogging karoge to aapke Blog ki search ranking kabhi nahi badh paayegi. Lekin iska mtlb yeh nahi ki aap paise kmane ka idea hi dimag se nikal de. Agar aapko blogging se kuch mile hi na to fir yha time brbad karne se kya fayda..? Blog ki ranking badhne ke liye sbse aasan upay hai ki aap apme visitors ki demand ke hisab se post likhe.Aap Apne visitors ke liye kitna bhi likho, vo km hi hoga. To is baat ka hmesha khyal rakhe ki aap jis topic par post karne ja rahe hai, us topic se related aapke Blog ke visitor ko help chahiye ya nahi?
Jab aap apne visitors ki requirements ke hisab se posts karna shuru kar denge, usi din se aapke Blog ki ranking badhna shuru ho jaayegi.Aapke Visitors ko aapke Blog se kya chahiye, yeh jaanne ke liye aap unhe apni post par comment karne ko bhi bol skte hai, aur sath hi aapki jis post par sbse jyada views aaye..smjh lijiye aapke visitors ko usi topic par jyada post chahiye. Jab aapke visitors ko unki requirements ke hisab se posts milengi to vo aapki post par comment aur unhe share jarur karenge. Aapke Blog par jitne jyada comments aayenge aur jitni jldi aap unki problem solve karenge, utna hi aapke Blog ke Seo ke liye faydemand rahega. Kyunki ab sirf sirf posts ko hi nahi blki comments ko bhi apne search results me show krta hai.
To jab aap apne visitors ke liye post likhna shuru kar denge, tab aapke Blog ka organic traffic badhna shuru ho jaayegi. Kyunki Google unhi blogs ko apne Search Results me show krna psnd krta hai, jha logo ko unki problem ka sahi solution milta hai.

3. Choose Right Social Media Platforms For Promoting Your Blog -

Upar aapne padha ki blog ke liye sbse important quality content aur uske baad apne visitors ki demand ke hisab se post karna hai. Chaliye ab aapne apne blog ke post level ko bhi sudhar liya, lekin ab agla swal hai ki use duniya ke saamne kaise pesh kiya jaaye..? Jwab hai social media. Aaj se kuch saal phle jab smartphone afford karna har kisi ke bas ki baat nahi thi, to social media sites se bahut kam log jude huye the. Lekin aaj aapko har hath me ek smartphone dikhega. India me China ke baad sbse jyda smartphone users hai aur ek report ke anusar hm agle 5 saal me China ko bhi pichhe chhod denge.
Ab jis bnde ke pass smartphone hai, vo km se km ek ya do social media platforms par to jarur active rhta hoga. Aaj india me 220 million smartphone users hai aur agar aapne right social media platforms se jud kar unme se 1% tak bhi apni reach bna li to aapka blog India ke top blogs me hoga.
Ab swal yeh hai ki blog ke liye sbse behtar social media platform kaunsa hai? Aaj har dusre din koi na koi new social media sites launch ho jaati hai, lekin iska mtlb yeh nahi ki aap sbhi social media platforms ko join kar le. Bahut jyada social media sites join karne se aapko har ek profile ko maintain karne ke kaafi difficulties face karni padegi aur aapka bahut jyada waqt bhi brbad hoga.

Mere liye apne blog ko promote karne ke liye sbse best Facebook, Twitter, WhatsApp aur Google + hai aur mai aapko bhi yahi social media platforms recommended karunga, kyunki inhi platforms par sbse jyada active users hai. Ab aap yeh bhi soch rahe honge ki mai is topic ko itna lamba khinchane ke bjay aapko in sites ke baare me upar bhi bta skta tha... lekin mera main moto aapko is article ke jariye apne blog ko hit karwaane ke liye har chhoti se chhoti information provide karna hai.

4. Unique, Attractive And User Friendly Blog -

Aapke Blog ki theme ya template jitna achcha aur user friendly hoga, aapka vistor utni hi jyada der tak aapke blog par tikega. Yeh aap bhi jaante hai ki boring blog aur websites visit karna kisi ko psnd nhi aata. To aap apne blog ke liye hmesha ek well designed aur user friendly theme chune. Aapko internet par hzaro aisi free aur paid themes mil jaayengi jo aap apne blog ke liye use kar skte hai.
Ek Blog ki theme kaisi honi chahiye? Apne blog ke liye aapko theme select karte waqt kafi savadhani rakhni chahiye. Aap apne blog ke content ke hisab se hi apne blog ke liye koi theme select kare. Agar aapka koi beauty blog hai lekin aapko ek car blog ke liye taiyar ki huyi theme psnd aa gayi to us theme ko use karne se bache. Agar aapko apne contect ke hisab se koi achchi theme nahi mil rahi to aap dusri site visit kar skte hai ya fir kuch paise dekar apne hisab se badhiya theme design krwa skte hain.
Theme choose karne aur use apne blog par apply karne ke baad usme pages ki link compulsory rup se jode taaki aapke visitors ko aapke blog ko navigate karne me aasani rahe aur vo aapke blog ko achchi tarah se smjh ske. Ek Blog Ke Liye Kaunse Pages Sbse Important Hai Ye Aap Hmari Is Post Me Padh Skte Hai. Dhyan rakhe ki ek aadha adhura aur unwell designed blog kisi ko bhi psnd nhi aata hai..

5. Quality Images And Tutorial Videos -

Hm se jyadatar log subah newspaper to jarur padhte hi honge. Lekin kya ho agar...aapko us newspaper me sirf text hi mile..image ek bhi na ho ya boring images ho to? Tay hai ki hm jald hi bor ho jaayenge aur shayad jald hi newspaper padhna bhi bnd kar denge.
Same yahi rule blogs par lagu hota hai. Aap post bhale hi kitni bhi achchi kare lekin jab tak aap apni post me ek ya do eye catching images add karenge, aapke visitors aapke blogs se jaldi hi bor ho jaayenge.
Lekin agar aap yeh soch kar ki har post me ekadh images add karna compulsory hai aur koi bhi low quality wali third class photos add karna shuru kar denge to iska bina image wali post se bhi jyada negative effect padega.
Apne Blog article ke liye hmesha high quality aur apni post se related images hi add kare. Lekin aap apne blog par images add karne ke liye kabhi bhi Google se search kar ke save ki huyi files upload na kare kyunki ye copyright wali images ho skti hai jinke liye aapko penalty bhi bharni pad skti hai. Aap apni post ke liye ya to image khud edit kar ke taiyar kar skte hai, ya fir PicJumbo jaisi kisi site par apne blog ke liye high quality image download kar skte hai jo copyright free ho.
Aur sath hi agar aap apne blog par helping post karte hai to ye jaruri nahi ki aapka har visitor aapki post ko puri tarah smjh paaye. In this case, unhe kuch additional help chahiye hoti hai aur yha tutorial videos unke liye helping hands sabit ho skte hai. Aap apne blog ka ek YouTube channel bnakar uspar apne tutorial videos upload karke bhi paise kma skte hai.

Finally..Mai Aapko Yehi Kehna Chahunga Ki Aap In Steps Ko Follow Karenge Aur Sahi Jagah Mehnat Karenge To Guaranteed Aapka Blog Google Search Results Me #No.1 Ranking Par Jarur Aayega.

I Hope..Mera Ye Article  Aapko  Jarur Helpful Lga Hoga. Agar Aapka Post Se Related Koi Question Hai To Hme Comments Ke Jarur Btaye...Mai Definitely Aapki Help Karunga.

Sharing Is Sexy.

Thanks For Reading. :)

5 comments:

  1. sir mere blog ki kitni links Google par aa rhi hai? ye kaise check karu?

    ReplyDelete
    Replies
    1. Apne Blog Ka Url Kuch Is Tarah Google Karo, Pta Chal Jaayega Ki Google Ne Aapke Blog Ki Kitni Links Ko Index Kiya Hai.

      site:urblogurl.com

      Delete
  2. bhai bahut hi badhiya jankari share ki hai aapne. keep it up

    ReplyDelete
  3. bhai maine apna new blog banaya hai aur usko google pe submite kar diya hai .wo
    kitne din me gogle pe dikhayi dega..

    ReplyDelete

Don't Be Shy, Leave A Comment!

Pages