7 Things You Didn't Know Your Android Smartphone Could Do

Aaj India me 200 million smartphone users hai. Hum Smartphone use karne ke mamle me Usa se bhi aage hai aur China ke baad pure World me India me sbse jyada smartphone users hai. 
Jyadatar smartphone users ko apne mobile ke saare features ka nahi pta aur hm mostly apne smartphone ka use Photos Click Karne, Messaging, Chatting, Audio-Video ke liye hi use krte hai. Lekin kya aapko pta hai aap apne smartphone se kuch aise kaam bhi kar skte hai jinke baare me aapne aajtak socha bhi nahi tha. 



To chaliye aaj mai aapko btata hu aap apne smartphone se kaunse vo kaam kar skte hai jinke baare me aapko aaj se phle kbhi pta nahi tha.

1. Apne Smartphone Ko Ek Projector Me Badle -


Badi screen par photos aur videos dekhna sabhi ko psnd hota hai lekin uske liye aapko ek Projector kharidne ya ek badi screen wala smartphone kharidne ki jarurt nahi..aap bas 10 minutes me apne smartphone ko ek Projector me badal kar ek badi screen par photos aur videos enjoy kar skte hai.

Items Required -

✴ Shoes Box 
✴ High Quality Magnifying Lens 
✴ Cello Tape 
✴ Mobile Stand

Steps -

1. Sabse phle apne Shoes Box ki ek side me Magnifying Lens rakh kar lens ke charo taraf pen ya pencil ki madad se ek round circle bna le.

2. Circle bnane ke baad aap shoes box ke us hisse ko bilkul gol magnifying lens ki size me blade ki help se kaat le.

3. Ab agle step me aapko cello tape ki help se lense ko box ko jha se hmne kata tha vha chipkana hai.

4. Lense chipkane ke baad agla kaam aapko apne smartphone ko ek stand ki help se lens se kuch duri par rakhna hai.

5. Stand par mobile set karne se phle aap apne mobile settings me screen ko Portrait se Landscape karna hai.

6. Ab agle step me aapko apne mobile me photos ka slide show on kar ke ya apni koi favourite movie ya video play karke box me rakhna hai.

7. Mobile set karne ke baad aap box ko upr se cover kar de aur box ki lens waali side ko kisi diwar ki taraf ghuma kar apne room ki light off kar de aur uske baad apne photos videos enjoy kare. :)


2. Apne Mobile Se Remote Ke Khrab Hone Ya Batteries Dead Hone Ka Pta Lgaye -


Hmare ghar me kabhi na kabhi TV, Music Player, Ac ya fir kisi dusri remote controlled chiz ka remote kaam nahi karne par hme bahut jyada problem hoti hai aur hm uski peeth ( back ) par hatheli se maar kar use thik karne ki kosish bhi karte hain. 😂

Bichare Remote ki pitai ke baad bhi vo kaam nahi karta to hum uski batteries change kar ke dekhte hai lekin ye kya ye to ab bhi kaam nahi kar rha..?

Kharab ho gya kya..? 

Ab ye kaise pta lgaye ki aapka remote kharab ho gya ya nahi? Don't worry..aapka smart wala phone hai na vo bas aapke is confusion ko 1 second me dur kar dega.

Aap bas apne smartphone ka camera on kare aur uske saamne apna remote laake koi bhi ek button dbaye. Remote ki light infrared light hoti hai jo hm apni aankho se nahi dekh skte lekin use aapka smartphone dekh skta hai. To bas aap apne smartphone camera ke samne apne remote ka sensor karke remote ka koi ek button dbaye rakhe. Agar aapki mobile screen par aapko remote ki light blink karti dikhai de rahi hai to aapka remote bilkul thik hai aur agr light blink nhi ho rahi hai to..?

To kya..nya remote le aana yaar. :P


3. Apne Mobile Par Computer Waali Feel Le -


Aap computer addict hai ya aapko touch karne se jyada press karne me mza aata hai to aap apne mobile ko hi Desktop PC me badal skte hai. Iske liye aapko bas ek keyboard aur mouse chahiye aur sath hi aapka mobile OTG cable Supported hona chahiye. Aap niche photo me dekh skte hai ki mobile OTG Cable ke Jariye  mouse se connected hai aur yeh bilkul thik kaam krta hai. Lekin aap apne mobile me ek baar me bas keyboard ya mouse hi use kar skte hai...dono ek saath nahi. :(


4. Apne Smartphone Camera Ki Quality Kaise Badhaye Ya Use Microscope Ki Tarah Use Kare - 


Aap bina ek expensive smartphone kharide bina apne mobile camera ke lens ko quality badha skte hai ya use ek microscope ki tarah use kar sakte hai. Iske liye bas aapko apne mobile ke camera par ek bund paani daalna hai. ( Jaisa Niche Pic Me Show Ho Rha Hai. ) 

Dhyan Rakhe ki paani ki yeh bund bilkul round shape me ho aur sath hi yeh bhi dhyan rakhe ki paani mobile ke andr naa ja paaye. Paani ki bund daalne ke baad kisi bhi chiz ki ek high quality full HD picture click kar skte hai. Aur sath hi paani ki bund se aap kisi jagah par jyada focus aur zoom kar skte hai.


5. Apne Chori Ya Gum Huye Phone Ka Data Erase Karke Use Dead Kaise Kare -


Android Device Manager ek powerful android smart app hai. Is app ki help se aap apne chori ya gum huye mobile ki location ka pta laga skte hai..apne mobile ke passwords change kar skte hai aur sath hi apne mobile me stored saare data ko erase karke aap apne mobile ko hmesha ke liye dead bhi kar skte hai. Android device manager ko aap Play Store se yhan click karke apne mobile me install kar skte hai. App Install hone ke baad aapko us app ko apne google account se link karna padega taaki aapka phone chori ya gum hone par ye app aapko notifications send kar ske.


6. Forgot Your Android Lock Screen Pattern, PIN or Password? Here’s What To Do..


Kai baar hamare saath kuch aisa hota hai ki hm apne mobile ka password bhul jaate hai ya fir use silent mode par kahi rakh ke bhul jaate hai. Agar aap apne mobile ko kisi Mobile Shop se unlock karwate hai to aapko apne mobile ke saare data ko khona padta hai. Lekin aap bina koi data erase kiye apna mobile unlock kar skte hai aur sath hi isi tarike se apne silent mobile ko normal mode me la skte hai.

Steps :

1. Apne computer ya kisi dusre phone me ye link open kare -

2. Ab apni Gmail Id se login kare lekin aapko sirf usi Gmail Id se login karna hai jo aap apne mobile par currently use kar rhe hai.

3. Ab Adm Interface me aapko apna device select karna hai jise aapko unlock karna hai.

4. Ab “Lock” button par click kare. 

5. Ab ek new window open hogi. Yha aapko ek temporary password daalna hai aur Recovery Message ko ignore maar ke fir se Lock button par click karna hai.



6. Saare steps bilkul sahi tarah se follow karne ke baad aapko ek Confirmation Message show hoga. Ab aap apne mobile me temporary password enter kare jo aapne upar ke steps me enter kare the. 

7. Mobile unlock hone ke baad aap settings me jaake temporary password ko remove kar de. That's it.

Aur agar aap apna mobile silent mode par rakh kar kahi bhul gaye hai to bhi aap yahi steps follow kar skte hai. Bas isme aapko lock ki jagah Ring par click karna hai.


7. Apne Whatsapp Group Ki Invite Link Create Kare -


India me 75 million se bhi jyada active whatsapp users hai jinme se jyadatar logo ne kbhi na kabhi koi apna whatsapp group jarur bnaya hoga. Whatsapp Group bnana to koi mushkil kaam nahi par usme members add karna bahut hi boring kaam hai. *_* 
To ab mai aapko sbse aakhiri trick me yeh btaunga ki aap apne whatsapp group ki link kaise bna skte.


Advantage Of This Trick -

✴ Koi bhi is link par click kar ke aapka group join kar skta hai.

✴ Aap bina phone book me number save kiye bina kisi ko bhi add kar skte hai.

✴ Koi bhi whatsapp user bina admin ki permission ke group join kar skta hai.

Create Whatsapp Group Invite Link Using GB Whatsapp 

1. Sbse phle aap apne mobile me  Gb Whatsapp apk download kare.

2. .apk download hone ke baad use install kare aur open kare.

3. Ab apne mobile number enter kare aur verify hone tak wait kare.

4. Iske baad aap vo group select kare jisme aapko member add karna hai.

5. Group me jaane ke baad “+” button par click kare aur uske baad “Invite Group Via Link” select kare aur link create hone ke baad use copy karke dusre social media platforms par share kar skte hai.
Jo koi bhi aapki link par click karega vo automatically aapke group me add ho jaayega.



I'm 101% Sure Ki Aapko Mera Ye Article Jarur Psnd Aaya Hoga Aur Sath Hi Aapko Isse Jarur Kuch Na Kuch Sikhne Ko Mila Hoga.
Aap Inme Se Kaunsi Trick Use Karenge Ya Aapko Kaunsi Trick Sbse Cool Lagi..Hme Comments Kar Ke Jarur Btaye Aur Sath Hi Is Article Ko Aap Apne Social Media Friends Aur Followers Ke Sath Share Karna Naa Bhule.


Thanks For Reading. :)

4 comments:

  1. Thanks Vicky for sharing these useful information regarding usage of android phone. I was also not aware about many uses. Thanks again.

    ReplyDelete
    Replies
    1. Thank you for your valuable feedback. :)

      Delete
  2. Nmbr 2 point is awesome. Pehli baar maine kisi tech blog ki post ko pura padha hai.
    Aapki writing skill aur content ko likhne ka trika shandar hai, khaskar nm2 waale point se mujhe hnsi bhi aayi aur kuch nya sikhne ko bhi mila.
    Keep it up 👍

    ReplyDelete

Don't Be Shy, Leave A Comment!

Pages